Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, enkontru ho Konfederasaun Unidade Organizasaun Frente Kaixa Klandestina Timor-Leste (CUOFCC), diskute assuntu dezenvolvimentu agrikula, oinsá hasa’e produasaun iha rai laran.
Iha sorumutu ne’e, parte CUOFCC-TL, hato’o assuntu rua, primeiru mai atu hato’o kongratulasaun ba Vise-Primeiru Ministru relasiona ho kargu ne’ebé nia hetan, liu husi konfiansa estadu nian.
Alende ne’e, CUOFFC-TL fó mós rekomendasaun oinsá IX Governu bele reforsa ogranizasaun rezistensia sira bele lori fila fali povu rezistensia sira ba fali iha baze halo produsaun agrikula, pekuaria no hortikultura.
Ko’alia kona-ba dezenvolvimentu ne’e hanesan palavra de ordem kalendestine sira nian hateten, Liberta Patria no Liberta Povu, objetivu liberta patria alkansa ona, maibé liberta povu seidauk alkansa.
Ho nune’e CUOFCC-TL hakarak konsolida fila-fali organizsaun rezistensia sira ba halo produsaun agrikula hodi kumpri dever nudar ema rejistensia sira nian oinsá hasa’e ekonomia hodi liberta povu husi kiak no mukit.
Organizasaun rejistensia ne’e hahú ona sira nia atividade kooperativa kuda foremungu hektar 7, maibé foin kolleta hektar 3, no hektar 4 seluk seidauk kolleta, iha Munisípiu Manufahi, Postu-Administrativu Alas, Suku Wedaberek.
Organizasaun ne’e ninia estrutura estabelese ona iha munisipiu neen (6), ho nia postu administrativu sira iha baze preparadu hodi hala’o ida-idak ninia servisu hanesan fila rai no prepara kolam ikan, hodi kuda no hakiak. Tanba ne’e organizasaun rezistensia husu ba governu reforsa apoiu orsamentu ou ekipamentus hanesan trator hodi apoiu tanba haree ba rai sira ne’ebé produtivu kontinua abandonadu.
Iha okaziaun ne’e, Vise Primeiru Ministru hatete, dadaun ne’e sei foku ba programa prioridade sira loron 120 nian, bainhira remata mak sei koordena malu ho Ministeriu Agrikultura nune’e bele haree posibilidade sira oinsá tulun sira ba produsaun agrikula nian.
Nudar Ministru Dezevolvimentu Rural nian, organizasaun sira ne’e sai parseiru di’ak, maibé sei adjusta programa sira hanesan ne’e no koordena ho misteriu relevante sira bele haree nune’e labele soke malu iha baze.
Fontes Notisia no Foto: Facebook Vice-PM, MCAS e Ministro do Desenvolvimento Rural e Habitação Comunitária