Komunikadu Imprensa hodi hato’o pozisaun konfederasaun ba publiku tamba ema balun deskonfia katak, CUOFCC-TL harii atu apoiu ba partidu polítiku, no seluk fali hateten katak CUOFCC-TL harii hodi kontra fali CCLN no seluk seluktan. Ho intrepretasaun hirak ne’e hanesan atu sobu nafatin unidade rezisténsia nian, liliu Frente Clandestina sira, hodi nafatin kontra malu iha era independensia, nune’e CUOFCC-TL nafatin firme sentidu hodi hato’o ba publiku katak, intrepretasaun sira nebe’e la’o iha publiku ne’e lá los, no CCUOFCC-TL iha nafatin komitmentu atu asegura estabilidade hanesan tempu okupasaun, tamba dadauk ne’e CUOFCC-TL sai legal iha nasaun Timor-Leste, no sai hanesan uma mahon ida ba Frente Clandestina iha Timor-Leste. Ho nune’e konfederasaun halo komunikadu imprensa ne’e hodi hataan no responde ba rumoris sira nebe’e la’o iha publiku, hodi kria nafatin dezentendimentu ba ema rezisténsia sira atu fahe malu, tolok malu, insulta malu, ema seluk aproveita situasaun ida ne’e hodi nafatin fahe timor oan sira ba grupo keta-keta, liliu ba organizasaun rezisténsia no caixa clandestina sira.